Адчыняйце сёння дзверы,
Каб пчолы селі!
Адчыняйце вакно,
Каб вам добра было!
Каб у вашым даму ўсё вялося,
А што захацелася, збылося!
З такімі словамі па добрай беларускай традыцыі, сёння на Каляды зноў да кожнай групы завіталі сапраўдныя валачобнікі або калядоўшчыкі, каб шчыра павіншаваць са святамі:
Мы са святам вас вітаем, шчасця, радасці жадаем!
Каб у вашай хаце было заўсёды, што даці!
Каб мірна, весела жылося, каб хацелася і маглося!
Май торбу грошай, жыві ў раскошы!
Збожжа поўнае клецце і павагу ў свеце!
Усяго даволі, а бяды ніколі!
Такія шчырыя пажаданні гучалі ў кожнай аўдыторыі.
Не забыліся і пра Казу, якая загадвала свае загадкі і весяліла навучэнцаў і супрацоўнікаў. Яна шуткавала, гарзіла і прынесла добры настрой кожнаму, спадзяемся, на ўвесь наступны год.
Дзед Мароз разам са Снягуркай павіншавалі ўсіх з Новым годам і Калядамі і ўручылі салодкі падарунак ад Прафсаюзнай аргаізацыі навучэнцаў кожнай групе.
Мы ўпэўнены, што Новы 2020 год будзе цікавым, плённым і шчаслівым!
З найлепшымі пажаданнямі ЦК “Мовы і літаратура”
[slideshow_deploy id=’26274′]